ഓഷോ ഒരു ജാല വിദ്യക്കാരന് ആയിരുന്നില്ല..
അയാള് അത്ഭുതങ്ങള് കാണിച്ചു ആളുകളെ ആകര്ഷിച്ചിരുന്നില്ല..
തന്റെ പടം വച്ച് പൂജിക്കണമെന്നു അയാള് ആരെയും ഉപദേശിച്ചുമില്ല..
തത്വ ശാസ്ത്രം പഠിപ്പിച്ചിരുന്ന ഒരു പ്രൊഫസര് ആയിരുന്നു അദ്ദേഹം .
തന്റെ വാക്കുകള് കൊണ്ടാണ് അയാള് ആള്ക്കാരെ വശീകരിച്ചത് അല്ലാതെ അന്തരീക്ഷത്തില് നിന്നും വിഭൂതി എടുത്തു കാണിച്ചല്ല.
ദരിദ്രനെ സഹായിക്കുവാനോ ..രോഗബാധിതനു ആശ്വാസം നല്കുന്നതിലോ അയാള്ക്ക് യാതൊരു ശ്രദ്ധയുമുണ്ടായിരുന്നില്ല...
ആത്മ സുഖത്തിനു വേണ്ടിയാണ് ആള്ക്കാര് അയാളെ തേടി ചെന്നത് .
ഓഷോ പറഞ്ഞിട്ടുണ്ട് ..
" എനിക്ക് നിങ്ങളെ ഉറക്കത്തില് നിന്നും ഉണര്ത്തുവാന് കഴിയില്ല . ഉണരേണ്ടത് നിങ്ങള് തന്നെയാണ് .അതിനുള്ള വഴിയും നിങ്ങള് തന്നെ കണ്ടുപിടിക്കണം.
എന്നാല് നിങ്ങള്ക്ക് മുന്പേ ഉണര്ന്ന ഒരാള് എന്ന നിലയില് ഉണര്വ് എന്നൊരു അവസ്ഥ ഉണ്ടെന്നു നിങ്ങള്ക്ക് പറഞ്ഞു തരുവാനും, നിങ്ങളെ ഉണരുവാന് പ്രോത്സാഹിപ്പിക്കുവാനും എനിക്ക് കഴിയും ....
എല്ലാവര്ക്കും ഇതു ആവശ്യമില്ല ചിലര് സ്വയം ഉണരുന്നവരാണ്,
ചിലര് പ്രോത്സാഹനം ആവശ്യമുള്ളവരും ഇനി മറ്റു ചിലരാകട്ടെ ഉണരുവാന് കഴിയുമെന്ന് കൂടി അറിവില്ലാത്തവരും..."
Monday, December 13, 2010
ഒരു അഭിമുഖത്തില് നിന്ന് ...
ചോദ്യം : അങ്ങ് ആരാണ് ..?
ഉത്തരം : ഞാന് കേവലം ഞാന് തന്നെ ആകുന്നു . പ്രവാചകനല്ല, മിശിഹായല്ല,
ക്രിസ്തുവല്ല . കേവലം ഒരു സാധാരണ മനുഷ്യ വ്യക്തി ..
നിങ്ങളെപ്പോലെ തന്നെ .
ചോദ്യം : ശെരി,. എന്നാല് തീര്ത്തും അങ്ങനെയല്ല ?
ഉത്തരം: അത് ശെരിയാണ് ...തീര്ത്തും അങ്ങനെയല്ല !
നിങ്ങള് ഇപ്പോഴും ഉറക്കത്തിലാണ് ..
എന്നാല് അത് പറയത്തക്ക ഒരു വ്യത്യാസമല്ല .
ഒരിക്കല് ഞാനും ഉറക്കത്തിലായിരുന്നു .
ഒരിക്കല് നിങ്ങള്ക്കും ഉണരുവാന് കഴിയും .
നിങ്ങള്ക്ക് ഈ നിമിഷത്തില് തന്നെ ഉണര്ന്നു എണീക്കുവാന് കഴിയും.
ആരും അത് തടയുന്നില്ല. അതിനാല് വ്യത്യാസം വെറും അര്ത്ഥശൂന്യമാണ്
Subscribe to:
Comments (Atom)